Le e xoga con Gianni Rodari

O libro Contos para xogar foi escrito por Gianni Rodari. Está formado por 20 historias breves, pero cada unha ten tres finais, a escoller por cada lector ou lectora.

Nesta actividade deberás elixir e ler unha das historias dese libro, e logo seleccionar o final que máis che guste. Despois farás a túa propia cartografía para comprender ben esa historia. Lembra que a lectura é a nosa maneira de loitar contra Fahrenheit, o monstro devorador de libros e lectores.

Así que sen máis que dicir, aquí está o libro enteiro:

• El tamborilero mágico; Pinocho el astuto; Aquellos pobres fantasmas; El perro que no sabía ladrar; La casa en el desierto; El flautista y los automóviles; La vuelta a la ciudad; Cuando en Milán llovieron sombreros; Alarma en el nacimiento; El doctor Terríbilis; Voces nocturnas; Mago Giró; La aventura de Rinaldo; El anillo del pastor; Taxi para las estrellas; La enfermedad de Tino; Aventura con el televisor; La gran zanahoria; Cien liras en el bolsillo; El gato viajero.

P.D.: Se che gusta a lectura dixital, tes que sabes que esta versión de Contos para xogar pertence ao sitio Libros del Rincón. Hai moitos máis libros para investigar…

A vida na aula

Asier enviou por correo electrónico unha bonita presentación sobre os seres vivos, que poderás ver se premes aquí. A idea seguro que ten que ver co libro de Ciencias Naturais, pois é algo que estamos a aprender neste momento.

Ademais, no mundo dos contos de Contomundi apareceron dúas historias novas, de Nova Zelanda e de Australia. E Fahrenheit, o monstro que atrapa lectores despistados, reclamou que Luis, Andrea Vázquez, Carla e Candela leran ben certo conto que explica como xurdiron as árbores. No seguinte vídeo está a proba dese reto: ler fronte a unha cámara para o mundo enteiro.

Entrementres, a vida na nosa aula segue adiante e o inverno xa está a piques de rematar…

Hai moitas razóns para ler

Como xa dixemos, hai moitas razóns para ler e moitas historias para imaxinar. Por iso apareceu a nova edición do Proxecto Bocata, e así encheremos a nosa aula de libros e de compañeiros de lecturas. Ademais, con el tentaremos que no expediente Fahrenheit, o monstro devorador de lectores aburridos resulte por fin vencido. Porque agora mesmo o certo é que xa ten algúns prisioneiros, que deberemos axudar e liberar…

Haberá valentes que se apunten para esa tarefa?

Hai moitas razóns para ler

View more presentations or Upload your own.

O proxecto Bocata

Como xa dixen o venres pasado, preséntase unha nova edición dun proxecto moi querido por Ismaíl. Agardamos que coa súa axuda, Fahrenheit resulte vencido polo poder dos bocatas de lectura. Porque non debe haber ningún monstro que sexa capaz de apartarnos da marabilla dos libros.

O Proxecto Bocata from Mario Aller

Os libros de Xulio Verne

Hai tempo que temos unha exposición con algunhas novelas que foron escritas polo gran Xulio Verne. Eses libros están de maneira temporal na clase, xa que son un préstamo do pai de Estela, que conservou con moito coidado esas historias.

Así que continuaremos o proxecto de lectura dixital que comezamos con Pinocho el astuto, de Rodari. Agora coñeceremos unha famosa novela de Xulio Verne, e estas son as tarefas:

• Ler a Viaxe ao centro da Terra, premendo nese enlace. Como é unha lectura grande, xa decidiremos a maneira.
• Cando se remate a actividade, deberás seguir as túas exploracións en: Cartografías imaxinarias para despois de ler.

Os contos de Gianni Rodari

No libro de Lingua Galega apareceu un conto de Gianni Rodari, que forma parte dun dos seus grandes libros: Contos para xogar. Entón, a clase empezou a moverse. Por exemplo, Tomás buscou ese libro nunha das bibliotecas de Culleredo. Uxía lembrou que tiña unha historia dese autor na súa casa. Antía descubriu que a súa propia nai gardaba un libro enorme cun montón de contos de Rodari. E todo iso chegou á nosa aula. Así que había que facer algo…

Empezaremos un proxecto de lectura dixital, onde usaremos os nosos ordenadores para ler. Claro que ao redor das lecturas investigaremos un pouco para aprender e realizar tarefas máis completas. A primeira desas tarefas é a seguinte:

• Ler a historia titulada Pinocho el astuto, que está no libro que coñecimos.
• Elixir un dos tres finais posibles que ideou o escritor Gianni Rodari.
• Cando remates, poderás iniciar unha nova exploración: Cartografías imaxinarias para despois de ler.

Quen é Fahrenheit?

Nun mundo imaxinario chamado Fahrenheit 451 estaba prohibido ler, aínda que moita xente facíao ás escondidas. Iso aquí non pasa, é certo, pero necesitamos lectores que salven a moitos libros para que desa maneira non se perdan as súas historias. Por iso precisamos de xente coma ti. Só hai un requisito indispensable: debes ter un bo nivel lector. Se non é así, o monstro da lectura, Fahrenheit, tentará atraparche…