Aula investigadora 7

Presentamos o resumo número 7 desta aula investigadora, que empezou no mes de outubro do ano 2015. Esta vez a listaxe de exploradores é a seguinte: Uxía (7), Asier (3), Carmen (1), Candela (3), Saúl (9), Lucía (3), Álex (3), Dani Pereiro (2), Tomás (2), Unai (7), Ana (2), Andea Valeiro (3), Antía (1), Nerea (1), Carla (2), Mateo (2), Elías (1), Luis (3), Andrea Vázquez (2), Lucas (1), Diego (1).

Ao igual que nos outros resumos, os temas foron moi diversos: o Síndrome de Down, a fauna de Galicia, Santiago Ramón y Cajal, as cancións da nosa infancia, Helena de Troia, Gloria Fuertes, o ADN, o autismo, a ciencia, os dinosaurios máis coñecidos, Thomas Alva Edison, Clash Royale, a NBA, Greenpeace, Nikola Tesla, o Día do Libro, o Día das Letras Galegas, e moitas cousas máis.

De paso, e como os mitos e as lendas forman parte do mundo de Ismaíl, aquí tes unha sorpresa. Trátase dunha versión das aventuras de Ulises, o rei grego que foi guerreiro e viaxeiro. Observa, escoita e aprende, pois logo haberá que facer algo para Contomundi…

De Carlos Casares

Este ano o Día das Letras Galegas adicouse ao escritor Carlos Casares, como xa sabes. Hai certas tarefas que non remataches e que tes que realizar. Os mesmos autores, o Seminario Galán (Arteixo), tamén prepararon algunhas actividades en liña: preme aquí.

Os fantásticos libros voadores

Pasou o Día do Libro, pero no colexio facemos unha celebración especial de intercambio de libros e de lectura. E como o cine sempre colaborou coa literatura infantil, presentamos un fermoso vídeo que gañou un montón de premios en moitos concursos: Os Fantásticos Libros Voadores do Sr. Morris Lessmore. Trátase dunha curtametraxe dirixida polo autor e ilustrador William Joyce, e conta unha entretida e apaixonante historia das persoas que dedican a súa vida aos libros.

Ismaíl agarda que che guste. Tamén espera que poidas realizar algunhas destas actividades…

Os libros da Terra

Por se non o sabes, o 22 de abril é o Día da Terra… Como se di na Wikipedia, trátase dun día para render homenaxe ao noso planeta e recoñecer á Terra como o noso fogar e a nosa nai. E o 23 de abril celébrase o Día Internacional do Libro. A unión dos libros e a Terra sempre resulta interesante, así que aquí tes 3 suxerencias. Aínda que non son libros recentes, están de actualidade pois o noso planeta cada día parece máis en perigo:

• 50 cosas simples que los niños pueden hacer para salvar la Tierra (de Earth Works Group)
• La nave Tierra (de David Bellamy)
• Salvemos la Tierra (de Jonathon Porrit)

Poesía na primavera

A primavera serviu sempre de inspiración para a poesía, como podes comprobar nestes fermosos haikus. Así que deberás ir ao enlace da nosa gramática poética para lembrar os diversos tipos de estrofas e poemas. Usa as túas propias ideas, por exemplo as palabras para Aurora, e constrúe os mellores versos para esta estación do ano. Se che resulta difícil ou as ideas non veñen, busca outro tema para as túas estrofas.

O espazo exterior, o Universo, está aí fóra. É inmenso, tan grande que non é doado de explicar. Hai estrelas, hai planetas e moitos obxectos astronómicos diferentes. Un fotógrafo, con centos de imaxes de Marte, elaborou un pequeno vídeo como se viaxara ata alí nunha nave espacial. Agora iso é imposible para os humanos, e non sabemos cando poderemos viaxar a ese planeta. Pero o seu vídeo semella unha poesía fotográfica. Talvez che sirva de inspiración para esta actividade…

A FICTIVE FLIGHT ABOVE REAL MARS from Jan Fröjdman on Vimeo.

Aula investigadora 6

Un novo resumo de nosa aula investigadora, que xa vai polo número seis. Nesta ocasión os exploradores foron: Diego (1), Estela (3), Nerea (2), Antía (5), Uxía (8), Tomás (3), Ana (3), Andrea Valeiro (1), Andrea Vázquez (3), Asier (1), Carmen (5), Lucía (1), Erika (2), Álex (6), Lucas (1), Unai (3), Candela (5), Saúl (1).

As investigacións, como outras veces, buscaron temas diversos: o Día da Paz, o embarazo, o lince ibérico, The Beatles, Gloria Fuertes, a quinoa, Thomas Alva Edison, Isaac Díaz Pardo, Ramiro Fonte, Amelia Earhart, os mamíferos, o día da Candelaria, o síndrome de Dióxenes, Pablo Ráez, os planetas de Trappist-1, o dragón de Komodo, o monte Cervino, a elaboración do pan, Romeo e Julieta…

Preme aquí para ver unha presentación de Tomás sobre as enfermidades raras.

Como xurdiron as árbores

Unha antiga historia de Nova Zelanda di así:

Ao principio, o Pai Ceo e a Nai Terra estaban preto, moi preto o un da outra, abrazados con gran, gran forza. Estaban tan preto e tan fortemente abrazados que os seus fillos, que vivían entre ambos, apenas podían respirar. Desesperados, estes retorcéronse, empuxaron, presionaron e loitaron ata que conseguiron que o ceo se despegase da terra e afastásese, elevándose cara ao alto, arriba, moi arriba.

Desde alí, o ceo mirou cara abaixo e viu á súa esposa, a terra, libre, fermosa, marrón e suave… pero tan baleira e soa que sentiu avergoñado por deixala atrás, totalmente espida.

De modo que lle confeccionou uns adornos mesturando luz e po, enrolounos para crear troncos e ramas e os curvounos para dar lugar a follas e flores. Combinou o marrón co vermello e o gris co verde; algunhas das súas creacións volvíanse rosas ao florecer, outras eran prateadas e tiñan forma de estrela, e outras posuían froitos dun negro azulado ou dourados. Distribuíu aquelas exquisitas xoias por toda a superficie da terra.

O ceo sentiu feliz e orgulloso ao mirar cara abaixo.

A terra sentiu feliz e orgullosa das súas xoias.

Os adornos sentíronse orgullosos e felices de decorar o chan. Afundiron os seus troncos na terra e elevaron as súas ramas cara ao ceo. E así, ergueitos, permaneceron ata os nosos días.

E foi así, segundo contan, como xurdiron as árbores.

Mira tamén este vídeo con marabillosas paisaxes da Terra.

Chega o Día da Paz

No mes de xaneiro celébrase o Día da Paz, e por iso no colexio e na nosa aula temos cousas que facer…

Dylan chegou ao ceo dos Premios Nobel

O día antes de que ao artista americano Bob Dylan se lle concedese o Premio Nobel de Literatura 2016, falamos da súa música na aula. Que coincidencia! Díxenlles que é o único cantante que escoito desde sempre, desde que era un mozo, hai xa anos.

Iso sucedeu porque acababa de mostrarlles un libro ilustrado por Paul Rogers a partir dunha das cancións de Dylan: Forever young, ou Xove para sempre. Este vídeo non contén nin todo o libro ni a canción enteira, pero se premes aquí podes escoitala ben. Aproveitando a ocasión, falamos da música e os gustos musicais, e tamén da vida, claro…

Noraboa, Bob Dylan!

20 anos con Ismaíl

Como xa contei noutro post, este é o curso da celebración dos 20 anos de Ismaíl en Galicia. Así que hoxe quero lembrar como empezou todo, por se acaso Ismaíl decide un día regresar á súa terra. Se iso ocorre, creo que esta clase terá un encargo moi importante: gardar a súa memoria. Poderás facer esa tarefa?

• No ano 1997, en Malpica de Bergantiños, unha boa porteira de fútbol que se chamaba Vanesa escribiu o conto O pobre Ismaíl. Ninguén coñecía esa historia, nin o mestre, e foi unha sorpresa incrible ese descubrimento.
• Entre os anos 1998 e 2001, outros nenos e nenas adiviñaron máis historias novas. Por esa razón, a vida de Ismaíl empezou a ser coñecida e valorada en moitos sitios.
• Durante os anos 2002 e 2004 seguiron aparecendo outras historias e máis misterios. Por exemplo, chegou a Internet e Ismaíl tivo a súa propia páxina web para estar nese mundo.
• A partir do ano 2005, Ismaíl coñeceu o noso colexio, na Ría do Burgo (Culleredo), xa que con moita tristeza deixara o pobo de Malpica. As súas historias continuaron e a súa web seguiu medrando ata o ano 2008, máis ou menos.
• E desde o ano 2009 ata a actualidade, todo cambiou coa aparición dos blogs. Como sabes, o seu, Escola de Ismaíl, xa vai pola súa quinta edición. Con eles aumentou o número de contos e de aventuras, pois agora son case interminables. Por iso, un sitio que se chama O dragón e o Caldeiro Máxico intenta recoller os feitos que os seus amigos e amigas descubren en forma de novas historias.
• Por último, non esquezas o desafío que trae este post… Serás capaz de contarnos algunha historia de Ismaíl que aínda non estea descuberta?

Linguas, Mates (14)

Xa queda pouco para acabar este curso! Como para os gnomos o paso do tempo resulta diferente, Ismaíl cre que non pasaron tantos días. Pero…

Lengua Castellana

• Unidad 14: Un país con demasiados reyes…

Matemáticas

• La orientación en el espacio y el plano
• Circuitos: A escala
• Coordenadas
• Coordenadas de un punto del plano
• Plano cartesiano

Unha historia de Cunqueiro

O conto de Gianni Rodari foi o inicio de novas tarefas ao redor da lectura e a escritura. Trátase, como xa dixemos, das cartografías imaxinarias para despois de ler. Claro que tamén poderíamos dicir para despois de ver e escoitar, como sucede neste post.

Esta pequena película está baseada nun texto de Álvaro Cunqueiro, e foi creada con figuras de plastilina. Fala dun demo chamado Alistán que sofre un grave desaxuste intestinal, o que lle produce o rexeitamento dos habitantes do bosque. Para resolver o seu cheirento problema, Alistán vai ao médico que lle receita o consumo de ovos de galliña, pero…

Linguas, Mates, Naturais (5)

Continuamos, por suposto. Pero, como sabes, antes tes que investigar para responder sen ningún erro…

Lengua Castellana

• Unidad 5: La tierra se examina…

Matemáticas: Operaciones con números decimales

• Suma y resta de números decimales
• Multiplicación de un decimal por un entero
• Divisiones con cociente decimal
• División: decimal entre entero
• Los números decimales
• EXTRA: El Tanque Matemático
• REPASO: Los números decimales

Ciencias Naturais: sobre a Unidade 11 do libro de Coñecemento do Medio

• Las plantas
• Actividades: Las plantas 1
• Actividades: La nutrición de las plantas
• Ampliación: Las plantas
• Enciclopedia de las plantas
• Testeando: Las plantas
• Test: El maravilloso mundo de las plantas
• WebQuest: Las plantas

A imaxinación e os blogs dos alumnos

Acabamos de saber que a familia medra e evoluciona, por dicilo dalgún modo. O caso é que cinco nenos e nenas da nosa aula xa teñen un blog propio, como auténticos exploradores de Internet. Desde aquí enviámoslles os nosos parabéns por esa iniciativa tan marabillosa. Agora teremos máis cousas para ler, é certo, pero tamén aumentará a nosa sabiduría.

Estes son os novos blogs, que desexan ser coñecidos en todo o mundo. Así que deberemos compartir o seu nome para que viaxen ata moi lonxe:

• A casiña do saber, de Uxía.
• As viaxes de Pedriño Chosco, de Antía.
• Investiga Investiga, de Daniel Pereiro.
• Dale duro Ana 3
• Ciencias da Natureza, de Tomás.

Linguas, Mates (4)

Seguimos, veña, que aínda hai moito por facer. Como sempre, antes tes que investigar para responder sen demasiados erros…

Lengua Castellana

• Unidad 4: Galileo Galilei…

Matemáticas: Los números decimales

• Lectura y escritura de números decimales
• Representación de números decimales
• Comparación de números decimales
• Los decimales y el euro
• Partes decimales, evaluación

I need some space é un espectacular vídeo que nos leva de viaxe polo Sistema Solar. Todo o que aparece foi creado por Shane Gehlert usando modelos en 3D y imaxes da NASA. Ademais, esta axencia espacial americana vai anunciar este xoves un importante descubrimento feito no planeta Marte. Así que haberá que investigar…

I Need Some Space from BlueDogFilms on Vimeo.

Os xogos da escola

Se te fixas ben, na barra lateral do blog, situada á dereita, hai unha lista de enlaces que se chama Os proxectos. Entre eles están os xogos que van aparecendo por aquí. Por exemplo, se premes nel terás a man todos os xogos: de mecanografía, para xogar no outono e tamén os da NASA, a axencia espacial americana.

Ademais, con este post empezamos unha nova serie de vídeos e películas interesantes. O primeiro é protagonizado por un rapaz extraordinario e moi gracioso…