Contomundi, 7ª etapa

Aínda que nun post anterior falamos das aventuras de Ulises, faltaba unha última entrada para o proxecto De Contomundi a Saidabad.

Sabemos que a vixe de Ismaíl ata o centro de Asia, o seu destino final, está a piques de rematar. Agora estamos con el en Turquía, e tamén coa historia dunha princesa silenciosa. Ese pais sitúase en dous continentes: en Europa e en Asia. É a porta para entrar nas terras orixinarias de Ismaíl.

Con esta princesa silenciosa, o noso amigo xa pensa no final da súa viaxe e na despedida. A partir de hoxe, o camiño que che falte para rematar o teu libro terás que andalo por ti mesmo. Non agardarás por ninguén. Por exemplo, deberás visitar o enlace da Segunda volta ao munto en 80 contos e escoller máis historias de Asia que che gusten. Así, nunca estarás só no teu camiño, pois Ismaíl sempre viaxará contigo…

Aula investigadora 7

Presentamos o resumo número 7 desta aula investigadora, que empezou no mes de outubro do ano 2015. Esta vez a listaxe de exploradores é a seguinte: Uxía (7), Asier (3), Carmen (1), Candela (3), Saúl (9), Lucía (3), Álex (3), Dani Pereiro (2), Tomás (2), Unai (7), Ana (2), Andea Valeiro (3), Antía (1), Nerea (1), Carla (2), Mateo (2), Elías (1), Luis (3), Andrea Vázquez (2), Lucas (1), Diego (1).

Ao igual que nos outros resumos, os temas foron moi diversos: o Síndrome de Down, a fauna de Galicia, Santiago Ramón y Cajal, as cancións da nosa infancia, Helena de Troia, Gloria Fuertes, o ADN, o autismo, a ciencia, os dinosaurios máis coñecidos, Thomas Alva Edison, Clash Royale, a NBA, Greenpeace, Nikola Tesla, o Día do Libro, o Día das Letras Galegas, e moitas cousas máis.

De paso, e como os mitos e as lendas forman parte do mundo de Ismaíl, aquí tes unha sorpresa. Trátase dunha versión das aventuras de Ulises, o rei grego que foi guerreiro e viaxeiro. Observa, escoita e aprende, pois logo haberá que facer algo para Contomundi…

De Carlos Casares

Este ano o Día das Letras Galegas adicouse ao escritor Carlos Casares, como xa sabes. Hai certas tarefas que non remataches e que tes que realizar. Os mesmos autores, o Seminario Galán (Arteixo), tamén prepararon algunhas actividades en liña: preme aquí.

Contomundi, 6ª etapa

Na viaxe con Ismaíl, de Contomundi a Saidabad, aínda estamos en África, a terra da princesa Malaika. Esta historia será o noso segundo conto nese continente, xunto aos baobabs ou árbores da vida e con moitas máis historias que poderás coñecer e investigar.

Os fantásticos libros voadores

Pasou o Día do Libro, pero no colexio facemos unha celebración especial de intercambio de libros e de lectura. E como o cine sempre colaborou coa literatura infantil, presentamos un fermoso vídeo que gañou un montón de premios en moitos concursos: Os Fantásticos Libros Voadores do Sr. Morris Lessmore. Trátase dunha curtametraxe dirixida polo autor e ilustrador William Joyce, e conta unha entretida e apaixonante historia das persoas que dedican a súa vida aos libros.

Ismaíl agarda que che guste. Tamén espera que poidas realizar algunhas destas actividades…

Le e xoga con Gianni Rodari

O libro Contos para xogar foi escrito por Gianni Rodari. Está formado por 20 historias breves, pero cada unha ten tres finais, a escoller por cada lector ou lectora.

Nesta actividade deberás elixir e ler unha das historias dese libro, e logo seleccionar o final que máis che guste. Despois farás a túa propia cartografía para comprender ben esa historia. Lembra que a lectura é a nosa maneira de loitar contra Fahrenheit, o monstro devorador de libros e lectores.

Así que sen máis que dicir, aquí está o libro enteiro:

• El tamborilero mágico; Pinocho el astuto; Aquellos pobres fantasmas; El perro que no sabía ladrar; La casa en el desierto; El flautista y los automóviles; La vuelta a la ciudad; Cuando en Milán llovieron sombreros; Alarma en el nacimiento; El doctor Terríbilis; Voces nocturnas; Mago Giró; La aventura de Rinaldo; El anillo del pastor; Taxi para las estrellas; La enfermedad de Tino; Aventura con el televisor; La gran zanahoria; Cien liras en el bolsillo; El gato viajero.

P.D.: Se che gusta a lectura dixital, tes que sabes que esta versión de Contos para xogar pertence ao sitio Libros del Rincón. Hai moitos máis libros para investigar…

Poesía na primavera

A primavera serviu sempre de inspiración para a poesía, como podes comprobar nestes fermosos haikus. Así que deberás ir ao enlace da nosa gramática poética para lembrar os diversos tipos de estrofas e poemas. Usa as túas propias ideas, por exemplo as palabras para Aurora, e constrúe os mellores versos para esta estación do ano. Se che resulta difícil ou as ideas non veñen, busca outro tema para as túas estrofas.

O espazo exterior, o Universo, está aí fóra. É inmenso, tan grande que non é doado de explicar. Hai estrelas, hai planetas e moitos obxectos astronómicos diferentes. Un fotógrafo, con centos de imaxes de Marte, elaborou un pequeno vídeo como se viaxara ata alí nunha nave espacial. Agora iso é imposible para os humanos, e non sabemos cando poderemos viaxar a ese planeta. Pero o seu vídeo semella unha poesía fotográfica. Talvez che sirva de inspiración para esta actividade…

A FICTIVE FLIGHT ABOVE REAL MARS from Jan Fröjdman on Vimeo.

Contomundi, 5ª etapa

Nesta etapa do proxecto De Contomundi a Saidabad chegamos ao continente africano. Para os antigos exploradores, África foi sempre unha terra imaxinaria, onde había moitos misterios e lugares incribles.

Aproveitaremos o traballo doutros amigos, no blog Escola de Ismaíl 3, porque ademais agora están aquí algunhas das súas irmás, Carla e Lucía. Igual que fixeron antes, empezamos polos montes de Marrocos coa historia A cidade paraíso…

Despois, descubre máis historias de África no mapa da Segunda volta ao mundo en 80 contos, que xa coñeces. Busca unha que che interese moito e avísanos, tamén queremos saber.

Preme aquí para ver o mapa máis grande.

Aula investigadora 6

Un novo resumo de nosa aula investigadora, que xa vai polo número seis. Nesta ocasión os exploradores foron: Diego (1), Estela (3), Nerea (2), Antía (5), Uxía (8), Tomás (3), Ana (3), Andrea Valeiro (1), Andrea Vázquez (3), Asier (1), Carmen (5), Lucía (1), Erika (2), Álex (6), Lucas (1), Unai (3), Candela (5), Saúl (1).

As investigacións, como outras veces, buscaron temas diversos: o Día da Paz, o embarazo, o lince ibérico, The Beatles, Gloria Fuertes, a quinoa, Thomas Alva Edison, Isaac Díaz Pardo, Ramiro Fonte, Amelia Earhart, os mamíferos, o día da Candelaria, o síndrome de Dióxenes, Pablo Ráez, os planetas de Trappist-1, o dragón de Komodo, o monte Cervino, a elaboración do pan, Romeo e Julieta…

Preme aquí para ver unha presentación de Tomás sobre as enfermidades raras.

Contomundi, 4ª etapa

Unha vez máis, o noso dado da sorte vai levándonos polos contos e o mundo. Esta vez debemos chegar ata as illas de Oceanía, que están bañadas polo máis grande dos océanos, o Pacífico. É tan inmenso que seguramente precisaremos algo de tempo para atravesalo. Así que empezamos outra aventura en Internet e novas lecturas:

• Segunda volta ao mundo en 80 contos (Google Maps): busca a illa de Nova Zelanda e descubre a historia titulada Como xurdiron as árbores?
• Nese mapa atoparás tamén as terras de Australia e a historia dunha osa formigueira e unha tartaruga.
• Xogos e mapas de xeografía de Sheppard Software: descubre cal é capital de Nova Zelanda, de Australia e doutros países de Oceanía. Despois fai o mesmo con toda América, se podes. Ollo, que está en inglés.

Contomundi, 3ª etapa

Esta vez o noso dado da sorte quixo levarnos ao centro e ao sur de América, a Hispanoamérica. Por iso, as historias que descubriremos serán dúas: As Doncelas do Millo (México, en América Central); e O monstro silbador (Brasil, en América do Sur). Están publicados nun libro que xa coñeces: Nuestros cuentos favoritos del mundo entero.

Ademais, pouquiño a pouco haberá máis contos que poderás ler. Por exemplo, todos os que aparecen na obra Cuentos populares de Iberoamérica, da escritora Carmen Bravo-Villasante. E tamén saberás doutros en mapas como o que se presenta neste post. Preme aquí para velo máis grande.

Contomundi, 2ª etapa

Hai moitos anos Ismaíl chegou a Galicia desde a aldea de Saidabad, no centro de Asia. Agora, despois de tanto tempo, quere regresar alí para saber o que pasou e o que queda das súas orixes. Neste camiño de volta usamos o azar e a sorte, en forma dun dado de oito caras, para avanzar. Cada vez que se tira ese dado, como mínimo temos unha historia para coñecer y un lugar ao que ir.

1. Os dous irmáns foi a historia dos inicios do proxecto, a partir de Malpica de Bergantiños e a Costa da Morte, en Galicia, en España. De paso, tamén rematamos o cómic de Guillermo Tell, que estaba pendente desde o pasado curso. 
2. Durante a primeira etapa, descubrimos e contamos máis contos populares galegos do libro Lenda Viva.
3. E nesta segunda etapa, o azar enviounos ás terras de Canadá: A chegada de Corvo é un conto publicado en Nuestros cuentos favoritos del mundo entero. Trátase dun bonito e interesante libro, pois moitas historias boas están en libros fermosos.

Para rematar, un vídeo sobre a marabilla de contar historias nesta época de tecnoloxía e modernidade. Porque a pesar diso, as historias non poden desaparecer xamais…

A contar historias! on PhotoPeach

Gramática da poesía

Nesta gramática aprenderás cos versos e as estrofas, coas poesías e as cancións, cos abecedarios e as formas das letras. E tamén xogarás coas palabras e as súas imaxes, como os acrósticos e os caligramas. Pero a poesía necesita unha actitude diferente. Así que pecha un pouco os ollos e abre a porta da túa mente. Entra. Imaxina. Busca ideas e palabras especiais. Palabras coa súa propia forza: nomes, adxectivos, verbos…

O primeiro que tes que facer é ler e aprender, como xa estamos a realizar na clase. Aquí tes máis materiais para que entres na poesía:

• Hai que ler: Son de poetas; Tres poemas de Nicolás Guillén; Nos gusta la poesía; Poesías para leer y memorizar; Poesía para niños; Gloria Fuertes  
• El lenguaje literario
• Axudas para facer versos (de Alquimistas de la Palabra)
• Rimador punto Net (en galego)
• Rimador punto Net (en castellano)
• Diccionario de rimas

A reprodución humana

Un tema moi importante, pois mediante a reprodución existe a vida neste mundo. E lembra que o curso segue e que aínda debes esforzarte…

• A reprodución
• As células sexuais
• O aparello reproductor feminino
• O aparello reproductor masculino
• A reprodución e o embarazo
• La función de reproducción
• La reproducción humana (presentación)
• La fecundación
• Busca nesta páxina do noso blog máis información sobre o tema.
• Traballos doutros cursos: A reprodución, por Clara e Gemma (Escola de Ismaíl 3, 2012).

Aula investigadora (5)

Antes de rematar o primeiro trimestre, faltaba un post sobre a nosa aula investigadora, que será o número cinco. Como sempre, os temas foron variados: a leucemia, o alzheimer, Roald Dahl, os Beatles, a Costa da Morte, a praia da Lanzada, etc. E estes foron os investigadores: Diego (1), Estela (2), Candela (5), Álex (1), Asier (1), Mateo (1), Antía (2), Unai (5), Tomás (4), Uxía (6), Daniel Pena (1), Luis (3), Carmen (2), Ian (1), Saúl (2), Erika (1), Nerea (1), Andrea Vázquez (1), Lucas (2).

Como en xuño deixamos unha historia no caixón, agora servirá para o proxecto De Contomundi a Saidabad. Trátase do conto de Guillermo Tell, e así poderás investigar a cordilleira dos Alpes e un país chamado Suíza, entre outras posibilidades…

Contomundi, 1ª etapa

A que pode ser a última viaxe de Ismaíl está en marcha, pois iso é o que significa De Contomundi a Saidabad. Despois da historia Os dous irmáns, que apareceu no post anterior, exploraremos algúns dos contos de Galicia. De momento, o que tes que facer é o seguinte:

1. En Somos LENDA VIVA escolle un dos quince contos que contén ese sitio. Busca un que che guste, porque será a túa historia.
2. Cando o teñas ben lido, pide unha galaxia de palabras. É o que precisarás para facer a cartografía dese conto.
3. Tamén deberás preparar un resumo. As boas historias merecen ser contadas, e ti deberás facelo…

Hai moitas razóns para ler

View more presentations or Upload your own.

Potencias e raíces de repaso

O curso avanza pouquiño a pouco pero tamén rápido. Por iso, as actividades especiais de repaso son moi necesarias. Porque a memoria non é algo malo, e non debes esquecer o que aprendes...

• Potencia
• Las potencias
• Potencias de base 10
• Potencia y raíz cuadrada
• Potencias y raíz cuadrada
• Algoritmo de la raíz cuadrada
• Repaso

Preme aquí para ir ao enlace.

Os aparellos dixestivo e respiratorio

O máis importante do primeiro tema de Ciencias Naturais aparece resumido neste post. Utilízao para aprender mellor.

• A nutrición
• A dixestión
• O aparello dixestivo
• A respiración
• O aparello respiratorio
• A hixiene da dixestión e a respiración
• Como os recursos anteriores están en castelán, debes aprender a buscar no espazoAbalar outros que estean en galego. Por exemplo, preme aquí para ir ao enlace da imaxe. Ademais, se queres investigar sobre o Samaín ou Halloween, podes facelo neste sitio do colexio.

Cal é o libro de Roald Dahl que máis che gusta?

Esta suxerencia foi de Nerea, pero agora xa forma parte do noso blog. A idea, en forma de pregunta, é moi sinxela: queremos saber cal é o libro de Roald Dahl que máis che gusta. Debes telo lido, ou cando menos que esteas agora léndoo. Así, talvez a túa opinión faga que outros lean ese libro que a ti tanto che gustou.

Escribe un comentario, pon o título da obra e conta os motivos que hai para valoralo tan ben…

Preme para ver os debuxos de Quentin Blake para Roald Dahl.

Repito unhas palabras do último post: non esquezas o gran traballo La magia de Roald Dahl, das bibliotecas escolares de Aragón. Precisamos das túas ideas para seguir adiante co noso proxecto.

100 anos de Roald Dahl

Xa sabes que pasaron 100 anos desde o nacemento de Roald Dahl, o autor de Matilda e Charlie e a fábrica de chocolate, entre outras fermosas historias. Están chegando á nosa aula algúns dos seus libros, pero seguramente non haberá libros para todos. Así que haberá que buscar en Internet, onde aínda quedan tesouros. Por exemplo:

• La maravillosa medicina de Jorge
• Cuentos en verso para niños perversos
• ¡Qué asco de bichos! El cocodrilo enorme

• ACTUALIZACIÓN: No sitio Libros del Rincón hay dous libros máis de Roald Dahl. Son Charlie y la fábrica de chocolate e outra versión en castelán de La maravillosa medicina de Jorge… Le e divírtete!

Non esquezas o gran traballo La magia de Roald Dahl, das bibliotecas escolares de Aragón. Precisamos das túas ideas para preparar o noso proxecto.

¡QUÉ ASCO DE BICHOS! de Roald Dahl de Me gusta leer México