Mannequin Challenge Roald Dahl

Un día chegou Unai e dixo que podiamos facer o reto do Mannequin Challenge, que xa empezaba a ter fama. Pareceume unha boa idea, sobre todo se ese reto estaba no noso proxecto de lectura ao redor de Roald Dahl. Así que agardamos un pouco, ata que rematase o centenario do nacemento do autor, e por fin levámolo a cabo.

Son tan bos actores, que non fixeron ningunha proba antes. Realizamos unha única gravación e aquí está o vídeo que o demostra. Por iso podemos dicir que o noso reto foi superado, despois de ler tantos libros e de marabillarnos coas historias de Roald Dahl.

Sempre Roald Dahl

Durante o pasado trimestre, os libros de Roald Dahl estiveron moi presentes na nosa aula. Celebramos así os 100 anos do nacemento do autor de Matilda, de Charlie e doutras medicinas marabillosas.

Fixemos unha listaxe de 15 títulos que podiamos conseguir e ler, con libros que se compartían libremente. Os datos rexistrados indican que logramos unhas 105 lecturas individuais, e resolven que cada neno e nena leu de media uns 4 libros desa relación. Noraboa, rapaces!

Onde queira que estea, creo que Roald Dahl botará un sorriso cómplice cando o saiba…

Por Roald Dahl

Xa temos os primeiros bocatas de lectura. Ao igual que o primeiro vídeo deste curso, están dedicados a Roald Dahl, o gran escritor. No ano do centenario do seu nacemento, é unha boa oportunidade para ler os seus libros. Tamén é unha ocasión para ver algunha das películas que realizaron con eles, como fixemos nós. Pero o importante é que a nosa listaxe de lectores e de lectoras cada día resulta máis longa… Parabéns!

Uxía e Roald Dahl

Agora que se cumpren os 100 anos do nacemento do gran escritor Roald Dahl, Uxía preséntanos algúns detalles da súa vida e dos seus libros. Seguro que a súa intención é que coñezas mellor a súa obra para que leas algún dos contos que temos na nosa aula… Anímate!

Roald Dahl - Uxía

View more presentations or Upload your own.

Cal é o libro de Roald Dahl que máis che gusta?

Esta suxerencia foi de Nerea, pero agora xa forma parte do noso blog. A idea, en forma de pregunta, é moi sinxela: queremos saber cal é o libro de Roald Dahl que máis che gusta. Debes telo lido, ou cando menos que esteas agora léndoo. Así, talvez a túa opinión faga que outros lean ese libro que a ti tanto che gustou.

Escribe un comentario, pon o título da obra e conta os motivos que hai para valoralo tan ben…

Preme para ver os debuxos de Quentin Blake para Roald Dahl.

Repito unhas palabras do último post: non esquezas o gran traballo La magia de Roald Dahl, das bibliotecas escolares de Aragón. Precisamos das túas ideas para seguir adiante co noso proxecto.

100 anos de Roald Dahl

Xa sabes que pasaron 100 anos desde o nacemento de Roald Dahl, o autor de Matilda e Charlie e a fábrica de chocolate, entre outras fermosas historias. Están chegando á nosa aula algúns dos seus libros, pero seguramente non haberá libros para todos. Así que haberá que buscar en Internet, onde aínda quedan tesouros. Por exemplo:

• La maravillosa medicina de Jorge
• Cuentos en verso para niños perversos
• ¡Qué asco de bichos! El cocodrilo enorme

• ACTUALIZACIÓN: No sitio Libros del Rincón hay dous libros máis de Roald Dahl. Son Charlie y la fábrica de chocolate e outra versión en castelán de La maravillosa medicina de Jorge… Le e divírtete!

Non esquezas o gran traballo La magia de Roald Dahl, das bibliotecas escolares de Aragón. Precisamos das túas ideas para preparar o noso proxecto.

¡QUÉ ASCO DE BICHOS! de Roald Dahl de Me gusta leer México