30/4/16

Linguas, Mates, Naturais (12)

Queda pouco para rematar este curso. Pero creo que Ismaíl pensa que non pasaron tantos días. Para os gnomos, o paso do tempo resulta diferente…

Lengua Castellana

Matemáticas

Coñecemento do Medio

Preme aquí para ir a este sitio.

27/4/16

O noso tesouro

Noutro post xa falamos do noso tesouro e de Ismaíl, que realmente é a intelixencia que temos e que debemos desenvolver sempre. Pero calquera aula dun colexio tamén posúe a súa propia sabedoría. E Ismaíl sabe que esta clase nosa, solidaria e que sabe compartir, quere aprender para ser cada vez mellores, cada vez máis intelixentes. Por iso, as moedas de ouro máis impresionantes son as cousas que facemos ben…

O tesouro de Ismaíl on PhotoPeach

21/4/16

A Terra, un libro único

Durante o curso 2011-2012, e no blog Escola de Ismaíl 3, fixemos un vídeo para celebrar o Día Mundial do Medio Ambiente. Ese traballo está no noso canal de YouTube, así que en realidade xa pertence a todos.

Mañá, 22 de abril, é o Día da Terra; e o 23 de abril moitos celebramos o Día do Libro. Debido ás cousas tan negativas que lle están a pasar ao noso planeta, creo que será unha boa idea lembrar ao mesmo tempo as dúas celebracións: os libros e a lectura, a Terra e o seu coidado.

Despois de ver este vídeo, deberás pensar un texto para dedicarllo ao teu planeta, que é único. E como descubrirás nas súas imaxes, ten en conta que outros nenos e nenas coma ti xa o fixeron antes, e que ti tamén podes, por suposto. Usa palabras emocionantes e escribe un comentario fermoso que poida ser lido polo mundo enteiro...

20/4/16

O heroe das mil caras

En todos os blogs de Ismaíl, e xa van cinco, hai moitas noticias sorprendentes que tratan de explicar a súa vida. Os enlaces están aquí e podes investigar iso con liberdade, se queres, claro. Como Tomás realizou un novo debuxo dixital, hoxe quixen lembrar un pouco todo o que se contou deste gnomo. Aquí tes a miña selección dun heroe que semella posuír mil caras:

19/4/16

Andrea Vázquez e o deporte galego

Desde a biblioteca do colexio chegounos unha tarefa especial: investigar sobre deportistas e deportes que estean relacionados coas Olimpiadas. Andrea Vázquez animouse moito e acordou explorar en Galicia sobre todo iso, e tamén sobre os deportes paralímpicos. Ademais, creo que atopou unha nova maneira de presentar os traballos no blog…

Preme aquí para ver a súa presentación.

18/4/16

Ismaíl y Miguel de Cervantes

Uxía descubrió que durante esta semana se celebra el 400 aniversario de la muerte de Miguel de Cervantes, uno de los más grandes escritores en lengua castellana. Además, el 23 de abril es el Día Internacional del Libro, y coincide con la fecha de la muerte de ese escritor universal, que sucedió en 1616. Y así fue como Uxía decidió reunir en la memoria a Ismaíl y a Cervantes…

Ahora que están ya juntos en el tiempo, podemos investigar y aprender con la ayuda de los dos… Porque... ¿quién fue Miguel de Cervantes?

17/4/16

Os primeiros bocadillos de lectura

Empezamos o proxecto que se chama Bocata porque hai moitas historias para imaxinar, e tamén porque hai moitas razóns para ler. Agora que xa temos os primeiros bocadillos de lectura, os nosos libros teñen que conseguir novos lectores e outras lectoras. Desa maneira, esas historias espallaranse por toda a aula e aínda máis lonxe.

Proxecto Bocata 2016 on PhotoPeach

16/4/16

Ismaíl e a Carapuchiña Vermella

Ismaíl está encantado coas sorpresas dixitais que ás veces recibe: por exemplo, de Luis, de Tomás e Dani Pereiro, de Uxía e de Antía. Agora, de novo é Luis que o sorprende outra vez cun debuxo dixital onde aparece xunto a unha das raíñas dos contos: a Carapuchiña Vermella. Creo que Ismaíl emocionouse por estar con esa artista tan famosa…

14/4/16

Álex e as flores

En Ciencias Naturais estamos a aprender moitas cousas sobre as plantas e a súa reprodución, e tamén das flores. Por iso, Álex elixiunas para facer a súa propia investigación persoal. Ademais, decidiu presentarnos o seu gran traballo…

13/4/16

Linguas, Mates (11)

Hai que seguir para adiante, e ti xa o sabes, porque o curso avanza pero aínda non rematou.

Lengua Castellana

Matemáticas

Ciencias Naturais

10/4/16

Luis e o Balón de Ouro

A nosa noraboa para Luis, que acaba de facer un descubrimento excepcional e quere compartilo con todos nós. Ao parecer, os encargados do asunto xa saben quen recibirá o próximo Balón de Ouro. Ese premio recoñece aos mellores xogadores das distintas ligas de fútbol. E este ano, debido á súa maxia, pretenden distinguir aos gnomos de Saidabad. Por iso, din que Ismaíl sera o novo gañador do premio. Non o podo crer…

5/4/16

Uxía e a pintura

Nesta clase hai grandes artistas, e Uxía é unha delas. Por exemplo, despois de ver unha actividade no Caderno 10 de Mates na que se falaba dalgúns grandes pintores da historia, empezou a explorar a súa vida. E esta presentación é o froito da súa incrible investigación…

4/4/16

A Ismaíl gústalle o verán

Tomás e Dani Pereiro pensaron que a Ismaíl debe gustarlle o verán e acertaron. Como todo o mundo sabe, el chegou desde o centro de Asia, onde hai desertos e moita calor, e por iso esa estación lémbralle aquelas terras. Así que Daniel P. e Tomás usaron o programa MyPaint para realizar este impresionante traballo dixital. Parabéns para os nosos artistas!