As historias de Ismaíl de Saidabad chegaron á maior librería do mundo, a Amazon. Está dispoñible en formato dixital, aínda que pódese ler na maioría dos navegadores web. Pero tamén hai unha bonita versión en papel, para ler como sempre…
Preme aquí para ver o libro: Ismaíl e a meiga de Malpica
É o tempo para a última despedida. Este blog, no que tanto traballamos durante dous cursos, deixará de recibir máis posts ou entradas. Seguramente tampouco publicará máis comentarios, aínda que haberá outro sitio para esa posibilidade. Por certo, non se chama Escola de Ismaíl (6)…
A tarta da foto, que nos regalou Patricia, a nai de Lucía, era tan feitiña que daba mágoa acabar con ela. Pero así foi, pois a aventura debe continuar. Non pode haber tempo para os temores. Ademais, o instituto está agardando á volta do verán…
Ismaíl estará viaxando con destino a Saidabad. Ao igual que vós, andará na busca de novos tesouros.
Feliz viaxe!
Con esta entrada, serán ya 152 las que se publicaron desde el 15 de septiembre de 2015, cuando se presentó el primer post. Haciendo unos cálculos rápidos, resulta una media de casi 7 entradas al mes durante los 22 meses de vida de este blog de aula. Eso quiere decir que aquí hay mucho trabajo voluntario y desinteresado, muchas horas de dedicación fuera del horario escolar. A pesar de ello, quizás también haya en el ambiente una sensación agridulce…
Aínda que a Ismaíl foi invitado a asistir ao acto da graduación de sexto, non se atreveu. Sempre foi un tímido, e agora máis. Pero quero que saiba algunas das palabras que dixen alí, tamén no seu nome:
Un sabio francés escribiu que somos contadores de contos, que vivimos rodeados polas nosas historias e as historias dos demais, que vemos todo o que nos pasa a través delas e que intentamos vivir a nosa propia vida como se estivésemos contando un conto.
Se as cousas funcionan desa maneira, que así o parece, só teño que dicir que foi una bonita historia esta que mañá rematará, e que eu lembrarei sempre...
Por suposto, Ismaíl, se chega a Saidabad, tamén lembrará esta historia tan fermosa.
Aínda que nun post anterior falamos das aventuras de Ulises, faltaba unha última entrada para o proxecto De Contomundi a Saidabad.
Sabemos que a vixe de Ismaíl ata o centro de Asia, o seu destino final, está a piques de rematar. Agora estamos con el en Turquía, e tamén coa historia dunha princesa silenciosa. Ese pais sitúase en dous continentes: en Europa e en Asia. É a porta para entrar nas terras orixinarias de Ismaíl.
Con esta princesa silenciosa, o noso amigo xa pensa no final da súa viaxe e na despedida. A partir de hoxe, o camiño que che falte para rematar o teu libro terás que andalo por ti mesmo. Non agardarás por ninguén. Por exemplo, deberás visitar o enlace da Segunda volta ao munto en 80 contos e escoller máis historias de Asia que che gusten. Así, nunca estarás só no teu camiño, pois Ismaíl sempre viaxará contigo…
A nosa árbore da vida xa está feita e preparada. Agora só agardamos a colaboración das familias para engadir os seus compromisos, porque o coidado da Terra debe un obxectivo común de todos os que vivimos neste mundo.
Desde 1973, cada 5 de xuño celébrase o Día Mundial do Medio Ambiente. Este ano, segundo as últimas noticias, a situación do planeta parece un pouco enrevesada e o cambio climático xa é unha ameaza evidente.
Por iso, o 22 de abril, o Día da Terra, acordamos facer unha árbore da vida para que a nosa defensa do planeta resultase ben visible. Ao final, despois de contar o noso proxecto, esa árbore encheuse con compromisos de todos os alumnos de quinto e de sexto.
Agora daremos un paso máis: invitaremos ás familias para que participen, se así o consideran. Para nós será un orgullo lograr esa colaboración… Animaste?
Presentamos o resumo número 7 desta aula investigadora, que empezou no mes de outubro do ano 2015. Esta vez a listaxe de exploradores é a seguinte: Uxía (7), Asier (3), Carmen (1), Candela (3), Saúl (9), Lucía (3), Álex (3), Dani Pereiro (2), Tomás (2), Unai (7), Ana (2), Andea Valeiro (3), Antía (1), Nerea (1), Carla (2), Mateo (2), Elías (1), Luis (3), Andrea Vázquez (2), Lucas (1), Diego (1).
Ao igual que nos outros resumos, os temas foron moi diversos: o Síndrome de Down, a fauna de Galicia, Santiago Ramón y Cajal, as cancións da nosa infancia, Helena de Troia, Gloria Fuertes, o ADN, o autismo, a ciencia, os dinosaurios máis coñecidos, Thomas Alva Edison, Clash Royale, a NBA, Greenpeace, Nikola Tesla, o Día do Libro, o Día das Letras Galegas, e moitas cousas máis.
De paso, e como os mitos e as lendas forman parte do mundo de Ismaíl, aquí tes unha sorpresa. Trátase dunha versión das aventuras de Ulises, o rei grego que foi guerreiro e viaxeiro. Observa, escoita e aprende, pois logo haberá que facer algo para Contomundi…
Este ano o Día das Letras Galegas adicouse ao escritor Carlos Casares, como xa sabes. Hai certas tarefas que non remataches e que tes que realizar. Os mesmos autores, o Seminario Galán (Arteixo), tamén prepararon algunhas actividades en liña: preme aquí.
Na viaxe con Ismaíl, de Contomundi a Saidabad, aínda estamos en África, a terra da princesa Malaika. Esta historia será o noso segundo conto nese continente, xunto aos baobabs ou árbores da vida e con moitas máis historias que poderás coñecer e investigar.
Nun post anterior mostramos os nomes dos compañeiros e compañeiras que xa traballan con Scratch. Por se non o lembras, aquí están todos os seus proxectos:
Se tamén estás intentando programar con Scratch, indica os teus datos e comparte o que fas… Queremos aprender! Ah, neste enlace podes saber máis.
A semana pasada, o punto de acceso a Internet de aula, que é do proxecto Abalar, apareceu cheo de arañas. Eran pequeniñas pois acaban de nacer, pero ameazaban con ocupar toda a clase. Con esos ingredientes que parecían do noso Taboleiro Fantástico, Asier imaxinou e escribiu esta historia.
LAS ARAÑAS DEL ROUTER
Había una vez una araña que estaba embarazada. Entonces, esa araña puso sus huevos en el router de nuestra clase.
Un día, el profe Mario descubrió que estaban allí las arañas, pero que había un problema. Se trataba de unas arañas venenosas. Así que intentamos acabar con ellas, y eso hicimos. Aunque no supimos que quedaron algunas, y las arañas se hicieron mayores y pusieron más huevos…
Pasou o Día do Libro, pero no colexio facemos unha celebración especial de intercambio de libros e de lectura. E como o cine sempre colaborou coa literatura infantil, presentamos un fermoso vídeo que gañou un montón de premios en moitos concursos: Os Fantásticos Libros Voadores do Sr. Morris Lessmore. Trátase dunha curtametraxe dirixida polo autor e ilustrador William Joyce, e conta unha entretida e apaixonante historia das persoas que dedican a súa vida aos libros.
Ismaíl agarda que che guste. Tamén espera que poidas realizar algunhas destas actividades…
Na historia de Ismaíl o diminuto aparecía unha árbore da vida, que naquel momento imaxinaron e debuxaron Lucas e Carla. Pero agora trátase doutra árbore distinta, que está relacionada co planeta no que vives.
Hai xa tempo, Ismaíl participou nunha experiencia que apreciou moitìsimo. Noutro colexio, con outros nenos e nenas, en Malpica, construíron un carballo que estaba cheo de follas con compromisos persoais para defender a nosa Terra. Aquel carballo, que era sagrado para os antigos habitantes de Galicia, foi unha árbore da vida como a que está na imaxe. Porque as mensaxes que había nas súas follas contiñan palabras de esperanza e de futuro.
Antes de regrese á súa aldea de Saidabad, e como unha maneira de celebrar os seus 20 anos entre nós, quere sentir novas sensacións con ese proxecto que tanto valorou… Anímaste?
Por se non o sabes, o 22 de abril é o Día da Terra… Como se di na Wikipedia, trátase dun día para render homenaxe ao noso planeta e recoñecer á Terra como o noso fogar e a nosa nai. E o 23 de abril celébrase o Día Internacional do Libro. A unión dos libros e a Terra sempre resulta interesante, así que aquí tes 3 suxerencias. Aínda que non son libros recentes, están de actualidade pois o noso planeta cada día parece máis en perigo:
Nesta entrada aparece outra publicación de Pequenos xornalistas. Esta vez foron Mateo, Asier e Luis os que se decidiron a participar de maneira voluntaria. Por iso preparon un texto sobre un xogo que aprecian moito: Clash Royale. Se premes aquí, poderás ler o seu interesante traballo.
Ademais, como xa temos a diversos investigadores no sitio de Scratch, tamén presentamos os seus nomes para que vexas os proxectos nos que están a experimentar. Son os seguintes:
[Mateo, Asier, Luis]
O libro Contos para xogar foi escrito por Gianni Rodari. Está formado por 20 historias breves, pero cada unha ten tres finais, a escoller por cada lector ou lectora.
Nesta actividade deberás elixir e ler unha das historias dese libro, e logo seleccionar o final que máis che guste. Despois farás a túa propia cartografía para comprender ben esa historia. Lembra que a lectura é a nosa maneira de loitar contra Fahrenheit, o monstro devorador de libros e lectores.
Así que sen máis que dicir, aquí está o libro enteiro:
P.D.: Se che gusta a lectura dixital, tes que sabes que esta versión de Contos para xogar pertence ao sitio Libros del Rincón. Hai moitos máis libros para investigar…
A primavera serviu sempre de inspiración para a poesía, como podes comprobar nestes fermosos haikus. Así que deberás ir ao enlace da nosa gramática poética para lembrar os diversos tipos de estrofas e poemas. Usa as túas propias ideas, por exemplo as palabras para Aurora, e constrúe os mellores versos para esta estación do ano. Se che resulta difícil ou as ideas non veñen, busca outro tema para as túas estrofas.
O espazo exterior, o Universo, está aí fóra. É inmenso, tan grande que non é doado de explicar. Hai estrelas, hai planetas e moitos obxectos astronómicos diferentes. Un fotógrafo, con centos de imaxes de Marte, elaborou un pequeno vídeo como se viaxara ata alí nunha nave espacial. Agora iso é imposible para os humanos, e non sabemos cando poderemos viaxar a ese planeta. Pero o seu vídeo semella unha poesía fotográfica. Talvez che sirva de inspiración para esta actividade…
